Header Ads

బేబీ కు మేమున్నాం అని ముందుకొచ్చిన మెగా స్టార్ చిరంజీవి.!!

తెలుగు ప్రజలకు ఒకప్పుడు బేబీ అనే పేరు వినిపిస్తే బేబీ అంటే పాప అనే వాళ్ళు, సంగీత ప్రియులకు బేబీ అంటే జస్టిన్ బీబెర్ పాడిన బేబీ పాట గుర్తు వచ్చేది, కానీ ఇప్పుడు మాత్రం బేబీ అనే పేరు వింటే, ప్రేమికుడు చిత్రం లోని 'ఓ చెలియా నా ప్రియా సఖియా' పాట పాడిన బేబీ నే గుర్తుకు వస్తారు. చదువు రాకపోయినా. సంగీత జ్ఞానం లేకపోయినా, కేవలం తన స్వరం తో తెలుగు రాష్ట్రాల్లోని ప్రజలను మంత్ర ముగ్దుల్ని చేసేసింది, ఆమె పాడిన పాట సోషల్ మీడియా లో వైరల్ అయిన విషయం అందరికి తెలిసిందే, ఏ.ఆర్.రెహమాన్ మొదలు సంగీత దర్శకుడు కోటి, మెగా స్టార్ చిరంజీవి గారి వరకు అందరూ బేబీ ని మెచ్చుకున్నారు. సంగీత దర్శకుడు కోటి, బేబీ కు సినిమాల్లో పాటలు పాడే అవకాశం ఇస్తా అని హామీ ఇచ్చారు. మెగా స్టార్ చిరంజీవి, బేబీ ని ఇంటికి ఆహ్వానించాడు, సంగీత దర్శకుడు కోటి తో కలిసి మెగా స్టార్ చిరంజీవి ఇంటికి వెళ్లారు బేబీ.


మెగా స్టార్ చిరంజీవి, ఆయన సతీమణి సురేఖ గారు బేబీ ని ఎంతో ఆప్యాయంగా పలకరించారు, బేబీ చేత పాటలు పాడించుకున్నారు, సురేఖ గారు బేబీ కి చీర పెట్టి కొంత నగదు అందజేసి ఆమె చదువుకోడానికి, సంగీత శిక్షణకు అయ్యే ఖర్చు మేమె పెట్టుకుంటాం అని కోటి గారితో తెలిపారు. చిరంజీవి, సురేఖ గారి మంచి తనం కళ్లారా చూసాక సంతోషం తో ఉబ్బి తబ్బిపై పోతుంది బేబీ. "రోజు వారి కూలి కి వెళ్తూ, పేదరికం లో మునిగిపోయిన నాకు, ఒక్క పాట జీవితాన్ని అందించడం ఎంతో సంతోషంగా ఉంది, అసలు చిరంజీవి గారిని కలుస్తా అని కల్లో కూడా అనుకోలేదు, సురేఖ గారు చిరంజీవి గారు నా పక్కన కూర్చొని నాకు ధైర్యం చెప్పి, మేమున్నాం అంటూ భరోసా ఇవ్వడం అదృష్టాంగా భావిస్తున్నా" అని బేబీ తెలిపారు.

No comments